Romar C.

3 months ago -

1 -

3 months ago -

6 months ago -

2 -

Nais kong maibalik ang kahapon.

7 months ago -

2 -

Inaamin ko, marami akong natutunan sa klase ng Fil14. :)

7 months ago -

1 -

Panginoon Maawa ka Please

Sa aming koro sa simbahan, inatasan akong gumawa ng powerpoint ng pangulo ng koro para sa Simbang Gabi para sa susunod na araw. Ang problema, kinailangan ko pang isalin mula Inggles ang powerpoint na dati kong ginawa papuntang Filipino. Alas dos na kasi ng umaga noong natanggap ko ang mensahe mula sa pangulo, na wikang Filipino pala ang wikang gagamitin para sa misa ng alas tres. Kinabahan ako dahil may isang oras na lamang ako para isalin ang powerpoint. Sa awa ng Diyos, natapos ako at nagmadaling nagbihis patunong simbahan. Alas dos y media na noong dumating ako sa simbahan lulan ng traysikel. Sakto lamang dahil may panahon pa ako upang mag-ayos ng kompyuter para sa koro. Nang magsimula na ang alas tres na Simbang Gabi, kampante na akong natapos ko na ang lahat ng kinailangan para sa powerpoint ng koro. Habang ipinapakita ang mga titik ng mga awit at ang mga tugon sa pari, nagpapasalamat ako sa Diyos na natulungan niya akong tapusin ang powerpoint para sa koro.Pagpindot ko sa bahagi ng paghingi ng awa sa Poon, nagising ako ng nakasulat sa nagawa kong powerpoint, “PANGINOON, HAVE MERCY.” Nalunod ako sa hiya at taranta, subalit nang pagpilitan kong pindutin ang kompyuter upang lumipat sa ibang slide, minalas ako—nag-hang ang kompyuter. Halos labinlimang segundong nakatiwangwang ang kahiya-hiyang slide. Tila kay tagal ng labinlimang segundong iyon. Matapos mapalitan ang slide, tumugtog ako ng Gloria habang nagpipigil ng tawa ang buong koro, kasama na ako. Naisip ko, matapos ang lahat ng ito, minsan ay bibigyan at bibigyan tayo ng Panginoon ng mga pagkakataong tulad nito upang magising sa katotohanang idaan sa katuwaan ang mga problema sa buhay. Panginoon, have mercy.